Epitaph Inscribed On A Marble Tablet, In Berkeley Church, Gloucestershire

H. S. E.




 CAROLUS Comes de BERKELEY, Vicecomes DURSLEY,

Baro BERKELEY, de Berkeley Cast., MOWBRAY, SEGRAVE,

Et BRUCE, è nobilissimo Ordine Balnei Eques,

Vir ad genus quod spectat et proavos usquequaque nobilis

Et longo si quis alius procerum stemmate editus;

Muniis etiam tarn illustri stirpi dignis insignitus.

Siquidem a GULIELMO III° ad ordines foederati Belgii

Ablegatus et Plenipotentiarius Extraordinarius

Rebus, non Britanniae tantùm, sed totius fere Europae

(Tunc temporis praesertim arduis) per annos V. incubuit,

Quam felici diligentia, fide quam intemerata,

Ex illo discas, Lector, quod, superstite patre,

In magnatum ordinem adscisci meruerit.

Fuit à sanctioribus consiliis et Regi GULIEL. et ANNAE Reginae

E proregibus Hiberniae secundus,

Comitatum civitatumque Glocest. et Brist. Dominus Locumtenens,

Surriae et Glocest. Gustos Rot., Urbis Glocest. magnus

Senescallus, Arcis sancti de Briavell Castellanus, Guardianus

Forestae de Dean.

Denique ad Turcarum primum, deinde ad Romam Imperatorem

Cum Legatus Extraordinarius designatus esset,

Quo minus has etiam ornaret provincias

Obstitit adversa corporis valetudo.

Sed restat adhuc, prae quo sordescunt caetera,

Honos verus, stabilis, et vel morti cedere nescius

Quòd veritatem evangelicam seriò amplexus;

Erga Deum pius, erga pauperes munificus,

Adversùs omnes aequus et benevolus,

In Christo jam placidè obdormit

Cum eodem olim regnaturus unà.

Natus VIII° April. MDCXLIX. denatus

XXIV° Septem. MDCCX. aetat. suae LXII.