Meg O' The Mill.

Air - "Hey! bonnie lass, will you lie in a barrack?"



I.

    O ken ye what Meg o' the Mill has gotten?
    An' ken ye what Meg o' the Mill has gotten?
    She has gotten a coof wi' a claute o' siller,
    And broken the heart o' the barley Miller.

II.

    The Miller was strappin, the Miller was ruddy;
    A heart like a lord and a hue like a lady:
    The Laird was a widdiefu', bleerit knurl;
    She's left the guid-fellow and ta'en the churl.

III.

    The Miller he hecht her a heart leal and loving;
    The Laird did address her wi' matter mair moving,
    A fine pacing horse wi' a clear chained bridle,
    A whip by her side and a bonnie side-saddle.

IV.

    O wae on the siller, it is sae prevailing;
    And wae on the love that is fixed on a mailen'
    A tocher's nae word in a true lover's parle,
    But gie me my love, and a fig for the warl!

Robert Burns

Robert Burns, also known as Rabbie Burns, the Bard of Ayrshire, and various other names and epithets, was a Scottish poet and lyricist. He is widely regarded as the national poet of Scotland and is celebrated worldwide. Born on January 25, 1759, in Alloway, he is best known for works such as 'Auld Lang Syne,' 'Scots Wha Hae,' and 'A Red, Red Rose.' He passed away on July 21, 1796, in Dumfries.

Robert Burns

To John Maxwell Of Terraughty, On His Birthday.

Robert Burns, Simple Poetry

Elegy On The Death Of Robert Ruisseaux.

Robert Burns, Simple Poetry

Lines Intended To Be Written Under A Noble Earl's Picture.

Robert Burns, Simple Poetry

A Dream.

Robert Burns, Simple Poetry

English

Suggested Poems

Explore a curated selection of verses that share themes, styles, and emotional resonance with the poem you've just read.

There Was A Lass.

Tune - "Duncan Davison."


I.

    There was a lass, they ca'd her Meg,
        And she held o'er the moors to spin;
    There was a lad that follow'd her,
        They ca'd him Duncan Davison.
    The moor was driegh, and Meg was skiegh,
        Her favour Duncan could na win;
    For wi' the roke she wad him knock.
        And ay she shook the temper-pin.

II.

    As o'er the moor they lightly foor,
        A burn was clear, a glen was green,
    Upon the banks they eas'd-their shanks,
        And ay she set the wheel between:
    But Duncan swore a haly aith,
        That Meg should be a bride the morn,
    Then Meg took up her spinnin' graith,
        And flang them a' out o'er the burn.

III.

Robert Burns

Last May A Braw Wooer.

Tune - "The Lothian Lassie."


I.

    Last May a braw wooer cam down the lang glen,
        And sair wi' his love he did deave me;
    I said there was naething I hated like men,
        The deuce gae wi'm, to believe, believe me,
        The deuce gae wi'm, to believe me!

II.

    He spak o' the darts in my bonnie black een,
        And vow'd for my love, he was dying;
    I said he might die when he liked for Jean,
        The Lord forgie me for lying, for lying,
        The Lord forgie me for lying!

III.

    A weel-stocked mailen - himsel' for the laird -
        And marriage aff-hand, were his proffers:
    I never loot on that I kenn'd it, or car'd,
        But thought I may hae waur offers, waur offers,<...

Robert Burns

Country Lassie.

Tune - "The Country Lass."


I.

    In simmer, when the hay was mawn,
        And corn wav'd green in ilka field,
    While claver blooms white o'er the lea,
        And roses blaw in ilka bield;
    Blithe Bessie in the milking shiel,
        Says, I'll be wed, come o't what will;
    Out spak a dame in wrinkled eild
        O' guid advisement comes nae ill.

II.

    It's ye hae wooers mony ane,
        And, lassie, ye're but young ye ken;
    Then wait a wee, and cannie wale,
        A routhie butt, a routhie ben:
    There's Johnie o' the Buskie-glen,
        Fu' is his burn, fu' is his byre;
    Tak this frae me, my bonnie hen,
        It's plenty beets the luver's fire.

III.

    For Johnie ...

Robert Burns

Duncan Gray.

I.

    Duncan Gray cam here to woo,
        Ha, ha, the wooing o't;
    On blythe yule night when we were fou,
        Ha, ha, the wooing o't.
    Maggie coost her head fu' high,
    Look'd asklent and unco skeigh,
    Gart poor Duncan stand abeigh;
        Ha, ha, the wooing o't.

II.

    Duncan fleech'd, and Duncan pray'd,
        Ha, ha, the wooing o't;
    Meg was deaf as Ailsa Craig,
        Ha, ha, the wooing o't.
    Duncan sigh'd baith out and in,
    Grat his een baith bleer't and blin',
    Spak o' lowpin o'er a linn;
        Ha, ha, the wooing o't.

III.

    Time and chance are but a tide,
        Ha, ha, the wooing o't;
    Slighted love is sair to bide,
        Ha, ha, the wooing o't.
...

Robert Burns

Auld Rob Morris.

I.

    There's auld Rob Morris that wons in yon glen,
    He's the king o' guid fellows and wale of auld men;
    He has gowd in his coffers, he has owsen and kine,
    And ae bonnie lassie, his darling and mine.

II.

    She's fresh as the morning, the fairest in May;
    She's sweet as the ev'ning amang the new hay;
    As blythe and as artless as the lamb on the lea,
    And dear to my heart as the light to my e'e.

III.

    But oh! she's an heiress, auld Robin's a laird,
    And my daddie has nought but a cot-house and yard;
    A wooer like me mamma hope to come speed;
    The wounds I must hide that will soon be my dead.

IV.

    The day comes to me, but delight brings me nane;
    The night comes to me, but my...

Robert Burns

Meikle Thinks My Luve.

Tune - "My tocher's the jewel."


I.

    O Meikle thinks my luve o' my beauty,
        And meikle thinks my luve o' my kin;
    But little thinks my luve I ken brawlie
        My tocher's the jewel has charms for him.
    It's a' for the apple he'll nourish the tree;
        It's a' for the hiney he'll cherish the bee;
    My laddie's sae meikle in luve wi' the siller,
        He canna hae lure to spare for me.

II.

    Your proffer o' luve's an airl-penny,
        My tocher's the bargain ye wad buy;
    But an ye be crafty, I am cunnin',
        Sae ye wi' anither your fortune maun try.
    Ye're like to the timmer o' yon rotten tree,
        Ye'll slip frae me like a knotless thread,
    And ye'll crack your credit wi' ...

Robert Burns