My Bonnie Mary.

Tune - "Go fetch to me a pint o' wine."


I.

    Go fetch to me a pint o' wine,
        An' fill it in a silver tassie;
    That I may drink, before I go,
        A service to my bonnie lassie;
    The boat rocks at the pier o' Leith;
        Fu' loud the wind blaws frae the ferry;
    The ship rides by the Berwick-law,
        And I maun leave my bonnie Mary.

II.

    The trumpets sound, the banners fly,
        The glittering spears are ranked ready;
    The shouts o' war are heard afar,
        The battle closes thick and bloody;
    It's not the roar o' sea or shore
        Wad make me langer wish to tarry;
    Nor shouts o' war that's heard afar,
        It's leaving thee, my bonnie Mary.

Robert Burns

Robert Burns, also known as Rabbie Burns, the Bard of Ayrshire, and various other names and epithets, was a Scottish poet and lyricist. He is widely regarded as the national poet of Scotland and is celebrated worldwide. Born on January 25, 1759, in Alloway, he is best known for works such as 'Auld Lang Syne,' 'Scots Wha Hae,' and 'A Red, Red Rose.' He passed away on July 21, 1796, in Dumfries.

Robert Burns

Hee Balou.

Robert Burns, Simple Poetry

O Lassie, Art Thou Sleeping Yet.

Robert Burns, Simple Poetry

To A Lady, With A Present Of A Pair Of Drinking-Glasses.

Robert Burns, Simple Poetry

My Ain Kind Dearie O.

Robert Burns, Simple Poetry

English

Suggested Poems

Explore a curated selection of verses that share themes, styles, and emotional resonance with the poem you've just read.

Highland Mary.

Tune - "Katherine Ogie."


I.

    Ye banks, and braes, and streams around
        The castle o' Montgomery,
    Green be your woods, and fair your flowers,
        Your waters never drumlie!
    There Simmer first unfauld her robes,
        And there the langest tarry;
    For there I took the last farewell
        O' my sweet Highland Mary.

II.

    How sweetly bloom'd the gay green birk,
        How rich the hawthorn's blossom,
    As underneath their fragrant shade
        I clasp'd her to my bosom!
    The golden hours, on angel wings,
        Flew o'er me and my dearie;
    For dear to me, as light and life,
        Was my sweet Highland Mary!

III.

    Wi' mony a vow, and lock'd embrace,

Robert Burns

'Twas Na Her Bonnie Blue Een.

Tune - *Laddie, lie near me.*


I.

    'Twas na her bonnie blue een was my ruin;
    Fair tho' she be, that was ne'er my undoing:
    'Twas the dear smile when naebody did mind us,
    'Twas the bewitching, sweet stown glance o' kindness.

II.

    Sair do I fear that to hope is denied me,
    Sair do I fear that despair maun abide me!
    But tho' fell fortune should fate us to sever,
    Queen shall she be in my bosom for ever.

III.

    Mary, I'm thine wi' a passion sincerest,
    And thou hast plighted me love o' the dearest!
    And thou'rt the angel that never can alter -
    Sooner the sun in his motion would falter.

Robert Burns

Mary Morison.

Tune - "Bide ye yet."



I.

    O Mary, at thy window be,
        It is the wish'd, the trysted hour!
    Those smiles and glances let me see
        That make the miser's treasure poor:
    How blithely wad I bide the stoure,
        A weary slave frae sun to sun;
    Could I the rich reward secure,
        The lovely Mary Morison!

II.

    Yestreen, when to the trembling string
        The dance gaed thro' the lighted ha',
    To thee my fancy took its wing,
        I sat, but neither heard or saw:
    Tho' this was fair, and that was braw,
        And yon the toast of a' the town,
    I sigh'd, and said amang them a',
        "Ye are na Mary Morison."

III.

    O Mary, canst thou wreck hi...

Robert Burns

There Was A Bonnie Lass.

I.

        There was a bonnie lass,
        And a bonnie, bonnie lass,
    And she lo'ed her bonnie laddie dear;
        Till war's loud alarms
        Tore her laddie frae her arms,
    Wi' mony a sigh and tear.

II.

        Over sea, over shore,
        Where the cannons loudly roar,
    He still was a stranger to fear;
        And nocht could him quell,
        Or his bosom assail,
    But the bonnie lass he lo'ed sae dear.

Robert Burns

The Highland Lassie.

Tune - "The deuks dang o'er my daddy!"


I.

    Nae gentle dames, tho' e'er sae fair,
    Shall ever be my muse's care:
    Their titles a' are empty show;
    Gie me my Highland lassie, O.
            Within the glen sae bushy, O,
            Aboon the plains sae rushy, O,
            I set me down wi' right good-will,
            To sing my Highland lassie, O.

II.

    Oh, were yon hills and valleys mine,
    Yon palace and yon gardens fine,
    The world then the love should know
    I bear my Highland lassie, O.

III.

    But fickle fortune frowns on me,
    And I maun cross the raging sea;
    But while my crimson currents flow,
    I'll love my Highland lassie, O.

IV.

    A...

Robert Burns

Theniel Menzies' Bonnie Mary.

Tune. - "The Ruffian's Rant."


I.

    In coming by the brig o' Dye,
        At Darlet we a blink did tarry;
    As day was dawin in the sky,
        We drank a health to bonnie Mary.
                Theniel Menzies' bonnie Mary;
                    Theniel Menzies' bonnie Mary;
                Charlie Gregor tint his plaidie,
                    Kissin' Theniel's bonnie Mary.

II.

    Her een sae bright, her brow sae white,
        Her haffet locks as brown's a berry;
    And ay, they dimpl't wi' a smile,
        The rosy checks o' bonnie Mary.

III.

    We lap and danced the lee lang day,
        Till piper lads were wae and weary;
    But Charlie gat the spring to pay,
        For kissin' Theniel's...

Robert Burns