She's Fair And Fause.

Tune - "She's fair and fause."


I.

    She's fair and fause that causes my smart,
        I lo'ed her meikle and lang;
    She's broken her vow, she's broken my heart,
        And I may e'en gae hang.
    A coof cam in wi' routh o' gear,
    And I hae tint my dearest dear;
    But woman is but warld's gear,
        Sae let the bonnie lass gang.

II.

    Whae'er ye be that woman love,
        To this be never blind,
    Nae ferlie 'tis tho' fickle she prove,
        A woman has't by kind.
    O woman, lovely woman fair!
    An angel form's fa'n to thy share,
    'Twad been o'er meikle to gien thee mair
        I mean an angel mind.

Robert Burns

Robert Burns, also known as Rabbie Burns, the Bard of Ayrshire, and various other names and epithets, was a Scottish poet and lyricist. He is widely regarded as the national poet of Scotland and is celebrated worldwide. Born on January 25, 1759, in Alloway, he is best known for works such as 'Auld Lang Syne,' 'Scots Wha Hae,' and 'A Red, Red Rose.' He passed away on July 21, 1796, in Dumfries.

Robert Burns

The Highland Lassie.

Robert Burns, Simple Poetry

Jessie.

Robert Burns, Simple Poetry

Written On A Pane Of Glass, In The Inn At Moffat.

Robert Burns, Simple Poetry

My Heart's In The Highlands.

Robert Burns, Simple Poetry

English

Suggested Poems

Explore a curated selection of verses that share themes, styles, and emotional resonance with the poem you've just read.

O Wha Is She That Loves Me.

Tune - "Morag."


I.

    O wha is she that lo'es me,
        And has my heart a-keeping?
    O sweet is she that lo'es me,
        As dews of simmer weeping,
        In tears the rosebuds steeping!
                O that's the lassie of my heart,
                    My lassie ever dearer;
                O that's the queen of womankind,
                    And ne'er a ane to peer her.

II.

    If thou shalt meet a lassie
        In grace and beauty charming,
    That e'en thy chosen lassie,
        Erewhile thy breast sae warming
        Had ne'er sic powers alarming.

III.

    If thou hadst heard her talking,
        And thy attentions plighted,
    That ilka body talking,
        But her b...

Robert Burns

This Is No My Ain Lassie.

Tune - "This is no my ain house."



I.

            O this is no my ain lassie,
                Fair tho' the lassie be;
            O weel ken I my ain lassie,
                Kind love is in her e'e.
    I see a form, I see a face,
    Ye weel may wi' the fairest place:
    It wants, to me, the witching grace,
        The kind love that's in her e'e.

II.

    She's bonnie, blooming, straight, and tall,
    And lang has had my heart in thrall;
    And ay it charms my very saul,
        The kind love that's in her e'e.

III.

    A thief sae pawkie is my Jean,
    To steal a blink, by a' unseen;
    But gleg as light are lovers' een,
        When kind love is in the e'e.

IV.

...

Robert Burns

Fair Eliza.

A Gaelic Air.



I.

    Turn again, thou fair Eliza,
        Ae kind blink before we part,
    Rue on thy despairing lover!
        Canst thou break his faithfu' heart?
    Turn again, thou fair Eliza;
        If to love thy heart denies,
    For pity hide the cruel sentence
        Under friendship's kind disguise!

II.

    Thee, dear maid, hae I offended?
        The offence is loving thee:
    Canst thou wreck his peace for ever,
        Wha for time wad gladly die?
    While the life beats in my bosom,
        Thou shalt mix in ilka throe;
    Turn again, thou lovely maiden.
        Ae sweet smile on me bestow.

III.

    Not the bee upon the blossom,
        In the pride o' sunny no...

Robert Burns

The Winsome Wee Thing.

I.

    She is a winsome wee thing,
    She is a handsome wee thing,
    She is a bonnie wee thing,
        This sweet wee wife o' mine.

II.

    I never saw a fairer,
    I never lo'ed a dearer;
    And niest my heart I'll wear her,
        For fear my jewel tine.

III.

    She is a winsome wee thing,
    She is a handsome wee thing,
    She is a bonnie wee thing,
        This sweet wee wife o' mine.

IV.

    The warld's wrack we share o't,
    The warstle and the care o't;
    Wi' her I'll blythely bear it,
        And think my lot divine.

Robert Burns

Country Lassie.

Tune - "The Country Lass."


I.

    In simmer, when the hay was mawn,
        And corn wav'd green in ilka field,
    While claver blooms white o'er the lea,
        And roses blaw in ilka bield;
    Blithe Bessie in the milking shiel,
        Says, I'll be wed, come o't what will;
    Out spak a dame in wrinkled eild
        O' guid advisement comes nae ill.

II.

    It's ye hae wooers mony ane,
        And, lassie, ye're but young ye ken;
    Then wait a wee, and cannie wale,
        A routhie butt, a routhie ben:
    There's Johnie o' the Buskie-glen,
        Fu' is his burn, fu' is his byre;
    Tak this frae me, my bonnie hen,
        It's plenty beets the luver's fire.

III.

    For Johnie ...

Robert Burns

O Poortith Cauld.

Tune - "I had a horse."



I.

    O poortith cauld, and restless love,
        Ye wreck my peace between ye;
    Yet poortith a' I could forgive,
            An' twere na' for my Jeanie.
                O why should fate sic pleasure have,
                    Life's dearest bands untwining?
                Or why sae sweet a flower as love
                    Depend on fortune's shining?

II.

    This warld's wealth when I think on,
        It's pride, and a' the lave o't
    Fie, fie on silly coward man,
        That he should be the slave o't!

III.

    Her een sae bonnie blue betray
        How she repays my passion;
    But prudence is her o'erword ay,
        She talks of rank and fashion.

Robert Burns