The Young Highland Rover.

Tune - "Morag."


I.

    Loud blaw the frosty breezes,
        The snaws the mountains cover;
    Like winter on me seizes,
        Since my young Highland rover
        Far wanders nations over.
    Where'er he go, where'er he stray.
        May Heaven be his warden:
    Return him safe to fair Strathspey,
        And bonnie Castle-Gordon!

II.

    The trees now naked groaning,
        Shall Soon wi' leaves be hinging.
    The birdies dowie moaning,
        Shall a' be blithely singing,
        And every flower be springing.
    Sae I'll rejoice the lee-lang day
        When by his mighty Warden
    My youth's returned to fair Strathspey,
        And bonnie Castle-Gordon.

Robert Burns

Robert Burns, also known as Rabbie Burns, the Bard of Ayrshire, and various other names and epithets, was a Scottish poet and lyricist. He is widely regarded as the national poet of Scotland and is celebrated worldwide. Born on January 25, 1759, in Alloway, he is best known for works such as 'Auld Lang Syne,' 'Scots Wha Hae,' and 'A Red, Red Rose.' He passed away on July 21, 1796, in Dumfries.

Robert Burns

Frae The Friends And Land I Love.

Robert Burns, Simple Poetry

To J. Lapraik. (Second Epistle.)

Robert Burns, Simple Poetry

On The Same. (On Seeing The Beautiful Seat Of Lord Galloway.)

Robert Burns, Simple Poetry

On Wee Johnny. Hic Jacet Wee Johnny.

Robert Burns, Simple Poetry

English

Suggested Poems

Explore a curated selection of verses that share themes, styles, and emotional resonance with the poem you've just read.

The Highland Lassie.

Tune - "The deuks dang o'er my daddy!"


I.

    Nae gentle dames, tho' e'er sae fair,
    Shall ever be my muse's care:
    Their titles a' are empty show;
    Gie me my Highland lassie, O.
            Within the glen sae bushy, O,
            Aboon the plains sae rushy, O,
            I set me down wi' right good-will,
            To sing my Highland lassie, O.

II.

    Oh, were yon hills and valleys mine,
    Yon palace and yon gardens fine,
    The world then the love should know
    I bear my Highland lassie, O.

III.

    But fickle fortune frowns on me,
    And I maun cross the raging sea;
    But while my crimson currents flow,
    I'll love my Highland lassie, O.

IV.

    A...

Robert Burns

Lady Mary Ann.

Tune - "Craigtown's growing."


I.

    O, Lady Mary Ann
        Looks o'er the castle wa',
    She saw three bonnie boys
        Playing at the ba';
    The youngest he was
        The flower amang them a'
    My bonnie laddie's young,
        But he's growin' yet.

II.

    O father! O father!
        An' ye think it fit,
    We'll send him a year
        To the college yet:
    We'll sew a green ribbon
        Round about his hat,
    And that will let them ken
        He's to marry yet.

III.

    Lady Mary Ann
        Was a flower i' the dew,
    Sweet was its smell,
        And bonnie was its hue;
    And the langer it blossom'd
        The sweeter it grew;
    Fo...

Robert Burns

Young Jockey.

Tune - "Young Jockey."


I.

    Young Jockey was the blythest lad
        In a' our town or here awa:
    Fu' blythe he whistled at the gaud,
        Fu' lightly danced he in the ha'.
    He roosed my een, sae bonnie blue,
        He roos'd my waist sae genty sma',
    And ay my heart came to my mou'
        When ne'er a body heard or saw.

II.

    My Jockey toils upon the plain,
        Thro' wind and weet, thro' frost and snaw;
    And o'er the lea I leuk fu' fain,
        When Jockey's owsen hameward ca'.
    An' ay the night comes round again,
        When in his arms he takes me a',
    An' ay he vows he'll be my ain,
        As lang's he has a breath to draw.

Robert Burns

The Gloomy Night.

Tune - "Roslin Castle."


I.

    The gloomy night is gath'ring fast,
    Loud roars the wild inconstant blast;
    Yon murky cloud is foul with rain,
    I see it driving o'er the plain;
    The hunter now has left the moor,
    The scatter'd coveys meet secure;
    While here I wander, prest with care,
    Along the lonely banks of Ayr.

II.

    The Autumn mourns her rip'ning corn,
    By early Winter's ravage torn;
    Across her placid, azure sky,
    She sees the scowling tempest fly:
    Chill runs my blood to hear it rave,
    I think upon the stormy wave,
    Where many a danger I must dare,
    Far from the bonnie banks of Ayr.

III.

    'Tis not the surging billow's roar,
    'Tis n...

Robert Burns

Auld Rob Morris.

I.

    There's auld Rob Morris that wons in yon glen,
    He's the king o' guid fellows and wale of auld men;
    He has gowd in his coffers, he has owsen and kine,
    And ae bonnie lassie, his darling and mine.

II.

    She's fresh as the morning, the fairest in May;
    She's sweet as the ev'ning amang the new hay;
    As blythe and as artless as the lamb on the lea,
    And dear to my heart as the light to my e'e.

III.

    But oh! she's an heiress, auld Robin's a laird,
    And my daddie has nought but a cot-house and yard;
    A wooer like me mamma hope to come speed;
    The wounds I must hide that will soon be my dead.

IV.

    The day comes to me, but delight brings me nane;
    The night comes to me, but my...

Robert Burns

Hee Balou.

Tune - "The Highland Balou."



I.

    Hee balou! my sweet wee Donald,
    Picture o' the great Clanronald;
    Brawlie kens our wanton chief
    Wha got my young Highland thief.

II.

    Leeze me on thy bonnie craigie,
    An' thou live, thou'll steal a naigie:
    Travel the country thro' and thro',
    And bring hame a Carlisle cow.

III.

    Thro' the Lawlands, o'er the border,
    Weel, my babie, may thou furder:
    Herry the louns o' the laigh countree,
    Syne to the Highlands hame to me.

Robert Burns